FOTOGALERÍA | Capa a capa, a maxia da Pantalla

A nosa visita a Arte Arrebol foi unha experiencia única e enriquecedora. Santi e Aurora abríronnos as portas do seu taller para amosarnos o minucioso proceso artesanal que seguen para crear as máscaras da Pantalla do Entroido de Xinzo.

Con paciencia e dedicación, moldean cada peza empregando engrudo e papel de xornal, dando forma, capa a capa, ata conseguir a estrutura desexada. Máis de 60 horas de traballo méticulosamente investidas en cada máscara fan que o resultado final sexa unha auténtica obra de arte, preservando así unha tradición fundamental do noso Entroido.