FOTOGALERÍA | Xinzo pecha o segundo día das festas de Santa Mariña con éxito de participación veciñal

Este domingo, Xinzo de Limia festexaba o segundo día, dos catro que as conforman, das festas da Santa Mariña. A xornada comezaba pola mañá coa sesión vermouth cos grupos Micalips e Lethx.

Pola tarde, a narradora Vero Rilo foi a encargada de deixar ós máis cativos da vila boquiabertos cunha actuación adicada exclusivamente para eles. Posteriormente, ás 20:00 horas, o grupo ourensán En Mala Hora, comezaba o seu concerto na praza de Oriente.

Paralelamente a estes actos, na praza Carlos Casares tiña lugar o Lost in Antioquía Festival, que contou con DJ's e artistas recoñecidos coma o grupo Dasoul.