O accidente tivo lugar pasadas ás 20:15 horas
NOTICIAS A LIMIA | Morre un veciño de Verín ao envorcar o seu tractor en Lamas (Cualedro)
27 de junio de 2022 (21:33 h.)
Un home duns 70 anos perdeu a vida esta tarde na localidade de Lamas (Cualedro) despois de que o tractor que conducía envorcase. O falecido era veciño de Ábedes, en Verín.
Até o lugar dos feitos desprazouse, ademais dos efectivos sanitarios, unha dotación de bombeiros. Tamén acudiron voluntarios de Protección Civil de Cualedro - Monterrei e varios axentes da Garda Civil.
Tamén se requiriu a presenza do helicóptero medicalizado do 061, mais nada se puido facer por salvar a vida do home dada a gravidade das lesións.