CORONAVIRUS A LIMIA | Porqueira volve a rexistrar contaxios tras un mes libre de Covid - 19

Despois de estar un mes sen presentar ningún contaxio por coronavirus, o Concello de Porqueira volta a poñerse en alerta ao rexistrar dous positivos novos. Exactamente. dende o pasado 13 de setembro, o municipio limiá pasaba a formar parte do grupo de territorios sen ningún caso activo, situación que cambiou na xornada de hoxe.

A alcaldesa de Porqueira, Susana Vázquez Dorado, acaba de publicar un bando informativo dando a coñecer os datos actuais de contaxiados e no que anima á veciñanza a seguir mantendo toda a precaución necesaria para loitar contra o virus. 

Pola contra, o resto de concellos da Limia amosan un bo avance.  Baltar resta un positivo, rexistrando só un caso derivado da Covid - 29 en todo o territorio.

Xinzo de Limia continúa coa súa inestabilidade e tamén baixa un contaxio, quedando cun total de catro positivos.

O resto de membros da comarca da Limia permanecen invariables. Agora mesmo son oito os municipios que contan con cero casos activos nos seus resultados.

Así queda o rexistro de contaxios por Covid - 19 na Limia o 13/10:

• Baltar: 1 (-1)
• Os Blancos: 0
• Calvos de Randín: 0
• Porqueira: 2 (+2)
• Rairiz de Veiga: 0
• Sandiás: 0
• Sarreaus: 0
• Trasmiras: 0
• Vilar de Barrio: 0
• Vilar de Santos: 0
• Xinzo de Limia: 4 (-1)