NOTICIAS A LIMIA | Porqueira dá pé á mellora do sistema de regadío na Limia

Os edís do Concello de Porqueira, durante un pleno celebrado no día de hoxe, acordaron a cesión dunhas masas comúns de terreos co obxectivo de dar inicio a un plan de mellora do sistema regadío no municipio.

Na reunión realizouse unha votación con resultado unánime, aprobándose así o paso da titularidade desas terras da concentración parcelaria de San Salvador de Sabucedo á Xunta. Con isto, a entidade dará pé a unha serie de obras que consistirán na realización de múltiples perforacións destinadas á construción de pozos.

As iniciativas forman parte dun plan de desenvolvemento e mellora do regadío da comarca da Limia, neste caso centrándose no Concello de Porqueira.