O Concello de Sandiás ven de publicar o listado actualizado de comercios colaboradores coa iniciativa Plan Renove Electrodomésticos 2021 da Xunta de Galicia, aos que poderán acudir os veciños do concello que queiran renovar o seu frigorífico, conxelador, lavadora, fregapratos ou placa de inducción.
O Plan Renove consiste en axudas directas (pago reducido na compra dos aparatos) para a renovación dos electrodomésticos do fogar, e remata o día 30 de setembro. As cuantías aportadas pola Xunta van dende 100 ata 150 euros, dependendo do tipo de electrodoméstico e da vulnerabilidade do consumidor. Caso de ser vulnerable ou moi vulnerable, deberá achegar factura da luz como demostrativo, no propio comercio, que tramitará toda a documentación.
Entidades colaboradoras
Os comercios adheridos a este plan aos que poden acudir os veciños de Sandiás son dez, oito ubicados en Xinzo de Limia e dous en Allariz. Podes consultar o bando coa lista completa actualizada aquí.
Contías por tipo de consumidor
As contías, especificadas tipo de consumidor e aparato, veñen especificadas na resolución de 16 de marzo de 2021 do Instituto Enerxético de Galicia:
A contía da subvención non poderá superar o 25 % do precio do electrodoméstico para un consumidor xeral, o 50% para consumidores vulnerables, e o 75% para consumidores vulnerables severos.
Máis información na Resolución do 16 de marzo de 2121 que pode consultar no enlace.
