CORONAVIRUS A LIMIA | Descenden os positivos en Xinzo de Limia e soben en Porqueira

Boas novas para os habitantes do Concello de Xinzo de Limia que esta mañá amencían con tres casos menos de Covid- 19 -quedándose cun total de 26 positivos- . Tamén se notifica unha mellora nos resultados en Sarreaus donde baixan en contaxiados ata acadar só dous.

A situación é diferente no municipio de Porqueira, o pobo continúa sumando casos activos -dous máis no día de hoxe- e obtén a cifra de cinco. A alcaldesa ten a intención de realizar diversos cribados entre os habitantes para seguir controlando e prevendo a pandemia.

No resto de membros da Comarca da Limia os casos están estabilizados, non se amosa cambio algún.

Así queda o rexistro de casos activos na Limia o 25/08:

• Baltar: 0
• Os Blancos: 0
• Calvos de Randín: 2
• Porqueira: 5 (+2)
• Rairiz de Veiga: 0
• Sandiás: 3
• Sarreaus: 2 (-1)
• Trasmiras: 1
• Vilar de Barrio: 7
• Vilar de Santos: 0
• Xinzo de Limia: 26 (-3)