Xinzo elaborará un Plan Local de Saúde para protexer a poboación

A alcaldesa do Concello de Xinzo, Elvira Lama, e as coordinadoras de medicina e enfermería do Centro de Saúde da localidade, Cristina Margusino e María José Feijóo, mantiveron unha reunión para dar o primeiro paso para a elaboración dun Plan Local de Saúde. Ademáis, tamén participou o concelleiro de Saúde, Alberto Martínez. Esta iniciativa púxose de manifesto nas xornadas de Atención Primaria que tiveron lugar o pasado cinco de xuño. 

Entre os obxectivos do plan están:

• Promoción de estilos de visa saudable.
• A detección de problemas na saúde da cidadanía
• A identificación de necesidades ou das enfermidades predominantes entre a poboación.

Tanto Lama como as responsables do Centro de Saúde destacaron que esta "é unha ferramenta indispensable para deseñar e planificar actuacións que permitan mellorar, promover e protexer a saúde da cidadanía". 

A seguinte reunión será na segunda semana de xullo, cando xa se irán incorporando aos traballos persoas dos diferentes servizos tanto de Atención Primaria como das áreas de Sanidade e Social do Concello.