AXENDA | Homenaxe a 'Hermelinda do muíño' en Sarreaus

A que foi promotora da cultura e da tradición en Sarreaus, "Hermelinda do muíño", será homenaxeada o sábado nun acto no que a música galega será a protagonista dunha xornada que pretende ser unha festa na honra da súa veciña.

 

A partir das 18:30 horas dará comezo ao pé da casa de Hermelinda un percorrido polas rúas de Sarreaus cos grupos de música tradicional convidados. As rebulideiras de Sarreaus, Tarde Piache (Xinzo de Limia), Do revés (Padroso) e a Escola de Música de Trasmiras serán os protagonistas.

 

Logo, cara ás 21:00 horas, celebrarase unha cea no forno comunal; previa á actuación de "Os Lubicáns", que comezará ás 23:30 horas. Durante o seu concerto realizarase o sorteo dun pandeiro; as rifas estarán á venda ao longo de todo o día.