AXENDA | Charla informativa en Vilar de Barrio sobre a recuperación de terras

O Concello de Vilar de Barrio acollerá unha charla informativa o vindeiro 26 de abril de 2025, ás 19:00h, na Sala Polivalente Manuel Gómez Portela. O evento centrarase na iniciativa "Recuperar a terra, Deseñar o futuro", que ten como obxectivo conectar persoas propietarias de terras con aquelas interesadas en desenvolvelas ou ampliar os seus proxectos.

Esta xornada informativa é unha oportunidade para coñecer de primeira man como participar nesta conexión de terras, impulsada por Limia-Arnoia, Aterra GDR Limia-Arnoia, a Deputación de Ourense e o propio Concello de Vilar de Barrio.

Se tes terras sen uso ou estás buscando terreos para emprender ou crecer, esta charla pode ser de gran interese para ti.