María José, unha das últimas mulleres cuxa historia se incorpora ao catálogo da exposición MULLERES SÍMBOLO DO RURAL, que elabora e divulga a Escola Rural de Saúde da Limia, interveu hoxe no acto en Sandiás. A Escola Rural de Saúde da Limia levou a súa exposición itinerante, Mulleres Símbolo do Rural até Sandiás. O acto de inauguración tivo lugar este venres no Centro Social, coa asistencia e as intervencións, entre outros, do alcalde, Felipe Traveso e do antropólogo Manuel Mandianes. Lola Rico e Rosa Trujillo, responsábeis da Escola, dinamizaron o acto que rematou cun espectáculo de música e danza.