CORONAVIRUS A LIMIA | Trasmiras, o concello no que máis preocupa a alza de casos activos

A Limia continúa o seu crecemento progresivo de contaxios contabilizando un total de seis novos positivos no día de hoxe.

O Concello de Trasmiras é un dos que máis preocupa, ascendendo un 50 % na súa cifra de casos activos. Pasa de seis a nove contaxiados en tan só 24 horas- sumando así tres novas incorporacións- .

Porqueira, Vilar de Barrio e Xinzo de Limia aumentan de xeito máis lento, rexistrando un novo positivo por municipio. O primeiro concello sitúase nos catro casos o segundo en tres, e o último en oito.

Pola contra, Vilar de Santos e Sandiás permanecen estables con dous e tres positivos totais respectivamente.

Así queda o rexistro de positivos na Limia o 15/11:

• Baltar: 0
• Os Blancos: 0
• Calvos de Randín: 0
• Porqueira: 4 (+1)
• Rairiz de Veiga: 0
• Sandiás: 3
• Sarreaus: 0
• Trasmiras: 9 (+3)
• Vilar de Barrio: 3 (+1)
• Vilar de Santos: 2
• Xinzo de Limia: 8 (+1)