Era un dos puntos estrela do programa de actividades da terceira edición da feira de alimentación e maquinaria Alimagro, en Xinzo de Limia. E, abofé que non defraudou. Centos de persoas foron os que agardaron o resultado da mistura de 2.000 ovos, 150 kilogramos de pataca do lugar e 25 de cebola limiás.
Como explicaba no momento o tenente de alcalde do Concello de Xinzo de Limia, Amador Díaz, a operación comezou xa pola mañá, onde á pataca frita se lle deu un pequeno pase polo aceite quente nas instalacións de Patatas Jalys. Logo, a cada 200 ovos se lles misturaba pataca e cebola, tamén "pochada", ata conseguir encher a tixola elaborada para a ocasión.
Unha vez completa, lume!, ata que chegou o momento máis agardado polo público e máis temido polo equipo de cociñeiros: darlle a volta á tortilla. O elemento metálico e mecánico elaborado para a ocasión tivo algunha que outra dificultade técnica por isto da física e os aumentos de volume que se dan cando soben as temperaturas.
Finalmente, logrouse sobradamente o obxectivo de ofrecer centos de racións de tortilla, pan e viño de Monterrei aos asistentes, que non deixaron de gravar cos seus teléfonos móbiles a elaboración da que xa é a "megatortilla" da Limia.
Diario do Limia non perdeu detalle do acontecido nesta tarde de sábado. Velaquí unha pequena escolma das imaxes do acontecido.
Un bo viño para complementar a unha boa tortilla: Ladairo, da denominación de orixe Monterrei. FOTOS: Iván Iglesias.
Os cativos, facéndose xa co dominio das máquinas agrícolas, aínda que estas moito máis respectuosas co medio ambiente.
Víctor Manuel López, xerente da adega Ladairo.
A Banda de Gaitas de Baltar foi a encargada de amenizar a xornada vespertina do sábado.
Jerónimo Ferreiro Varela, fillo de Juan Ferreiro "O gaiteiro de Laroá".
Dani Fariñas comandou ao equipo de cociñeiros para sacar os centos de racións da tortilla de pataca.
A rexedora do Concello de Xinzo, Elvira Lama, atendendo aos compañeiros da Televisión de Galicia, entre eles, unha reporteira limiá: Manuela Iglesias Cid.
Amador Díaz, tenente de alcalde do Concello de Xinzo de Limia, alma máter da terceira edición de Alimagro.
A tortilla, porque a tixola era nova, pegouse un chisco...
Era un momento crítico: colocar a tapa do artefacto metálico para darlle a volta á tortilla.
Aquí, os valentes limiáns, retirando os fogóns para poder proceder ao vertixinoso xiro de 180 graos.
Manuel Pérez Campos, de Xinzo Adiante, moi activo tamén nesta tarde de sábado.
