O Concello de Vilar de Santos convocou un concurso de debuxo dirixido aos nenos da localidade con motivo do 25N, Día Internacional da Eliminación da Violencia contra as Mulleres. Un dos traballos premiados foi o de Paula Martín, de oito anos, no que pide igualdade e respecto entre mulleres e homes.
O debuxo de Sabela Fernández, de sete anos, no que di "non á violencia" é outro dos gañadores. A través de varios corazón con diversas cores pide "paz, tranquilidad, amistad, calma y armonía".
O último traballo recoñecido no concurso convocado polo Concello de Vilar de Santos é o de Claudia Nogueiras, de 12 anos, no que as bágoas dunha vítima da violencia machista son protagonistas. No seu debuxo engade que o "mundo sería moito mellor se non houbese violencia de xénero".
Todos os participantes, de entre tres e 14 anos, levaron un agasallo por sumarse a este certame que axuda a concienciar sobre este problema social aos máis cativos.
