CORONAVIRUS A LIMIA | A comarca estabilízase ao redor dos 300 casos activos

A cifra para a comarca é 300. Eses son o número de casos activos a día 1 de febreiro. A sexta onda da covid-19 parou de crecer, mais como adiantaron os expertos o descenso da curva será moito máis suave do que foi o ascenso. Na comarca xa non queda hoxe ningún concello por riba dos 20 casos activos, agás Xinzo.

Para Xinzo, os 200 casos activos son agora o teito. De onte a hoxe o número aumentou moi pouco, dous casos máis. A tendencia á baixada é clara, mais na última semana o descenso foi lento: o martes pasado contábanse 217 casos; sete días despois son 182. Apenas 35 menos. 

Con datos de onte, o SERGAS informa a esta hora de que o número de casos novos acumulados nos últimos sete días é de 114; a 14. Na Área sanitaria de Ourense rexístranse 6.129 contaxios activos. No conxunto do país, hai 41 pacientes de covid en UCI, 663 hospitalizados e 60.016 no seu domicilio.

Así están os rexistros
BALTAR  (variación -1)  4 (activos)
OS BLANCOS  (+1)  14
CALVOS DE RANDÍN (-2)  8
PORQUEIRA  (=)  14
RAIRIZ DE VEIGA (-1)  9
SANDIÁS (-1)  14
SARREAUS (-1)  12
TRASMIRAS  (-1) 6
VILAR DE BARRIO (=)  19
VILAR DE SANTOS  (-3)  18
XINZO DE LIMIA  (+2)  182