Este venres, día das Letras Galegas, fíxose entrega, no salón de actos da Casa da Cultura de Xinzo de Limia, dos premios dos concursos de debuxo e ilustración organizados pola Fundación Carlos Casares e o Concello de Xinzo de Limia anualmente. Na súa sexta edición, o xurado estivo composto por representantes do Concello de Xinzo de Limia e da Fundación Carlos Casares.
Os concursos que organiza a entidade do escritor ourensán e o consistorio de Xinzo son dous: un sobre unha das obras de Carlos Casares, que este ano correspondeu con Toribio revoluciona o tráfico (en 2024 fan 30 anos da súa primeira edición) e tamén o deseño dunha cuberta de libro para a homenaxeada co Día das Letras Galegas 2024, Luísa Villalta. Ambos concursos contaron co apoio inestimable do profesorado de numerosos centros escolares da comarca da Limia, alcanzando unha altísima participación, coa achega de 120 obras en total.
O xurado fallou un total de 17 premios e dúas mencións especiais en todas as idades e categorías nas que se convocou o concurso, tanto en primaria como en secundaria. O xurado expresou a enorme dificultade que tivo este ano debido á alta calidade das obras presentadas, felicitando a todo o alumnado participante pola sensibilidade artística amosada nos seus orixinais. Tamén dálle traslado ao profesorado polo esforzo e compromiso pola difusión cultural desenvolvida.
ALUMNADO GAÑADOR DO CONCURSO “TORIBIO REVOLUCIONA O TRÁFICO”
- Na categoría A1, 1º e 2º de Primaria:
• 1º.- Álvaro Méndez Ramos, por “O profesor Smith”.
• 2º.- Alumnado do CEIP Plurilingüe dos Blancos (Lía Blanco Gómez, Ana Campos Almagro, Gabriel Forgács Pedrosa, Sabela Opazo Santana e Noa Vieites Salinas), por “Toribio revoluciona o tráfico”.
- Na categoría A2, 3º e 4º de Primaria:
• 1º.- Ada Estévez Ojea, CEIP Rosalía de Castro, por “Toribio revoluciona o tráfico”.
• 2º.- Hugo Sóñora Blanco, CEIP Sandiás, por “Non teñas presa, cara de fresa”.
- Na categoría A3, 5º e 6º de Primaria:
• 1º.- Lara Iglesias Dorado, CEIP Sandiás, por “A ra de Toribio”.
• 2º.- Javier García Gómez, CEIP Sandiás, por “Centro de cores”.
- Na categoría B1, 1º e 2º de Secundaria:
• 1º.- Leo Rodríguez Enríquez, IES Lagoa de Antela, por “A catro mans”.
• 2ª.- Claudia Urones Cid, IES Lagoa de Antela, por “Toribio revoluciona a ciencia”.
Mención: Íker Gómez Méndez, coa súa obra “A miña creatividade”.
- Na categoría B2, 3º e 4º de Secundaria:
• 1º.- Nerea Paz Martínez, IES Lagoa de Antela, por “O labirinto de Toribio”.
• 2º.- Naia Sánchez Rodríguez, por “A arma segreda do profesor Smith”.
Mención: Noa Rodríguez Enríquez, por “Aumentador corporal progresivo”
ALUMNADO GAÑADOR DO CONCURSO “UNHA CUBERTA PARA LUÍSA VILLALTA”
- Na categoría A1, 1º e 2º de Primaria: Deserto
- Na categoría A2, 3º e 4º de Primaria:
• 1º.- Génesis Ángela Andrea Alva Ramírez, CEIP Rosalía de Castro, por “Pensar é escuro”.
• 2º.- Enma Rodríguez Pérez, por “Música reservada”.
- Na categoría A3, 5º e 6º de Primaria:
• 1º.- Shaiel Sánchez Rodríguez, por “Ondas sonoras do mar”.
• 2º.- Deserto
- Na categoría B1, 1º e 2º de Secundaria:
• 1º.- Leo Rodríguez Enríquez, IES Lagoa de Antela, por “Aperturas temporais”.
• 2º.- Uxía Prada Salpurido, IES Lagoa de Antela, por “As chaves do tempo”.
- Na categoría B2, 3º e 4º de Secundaria:
• 1º.- Ariadne Teixeira Quelle, por “Música reservada”.
• 2º.- Noa Rodríguez Enríquez, IES Lagoa de Antela, por “Dúas paixóns”.
FOTOS: Noelia Caseiro
