O total de casos activos na zona de A Limia continua a presentar unha forte estabilidade. Non se rexistran picos nin baixadas notables tras a fin de semana.
O concello de Porqueira, que saía o pasado vernes da súa zona de cero postivos segue a presentar casos activos -tres en total no día de hoxe-. Sandías e Sarreus igualan cifras descendendo un positivo cada un e quedando en catro rexistrados. O sábado Vilar de Barrio duplicaba os seus casos -de tres a seis- cunha subida ao día seguinte dun só un caso novo. Calvos de Randín rexistraba o sábado dous positivos novos, deixando atrás a súa excelente cifra de cero rexistros.
Xinzo de Limia, que viña de experimentar un suave aumento de casos do xoves ao vernes, cambia a súa direción de novo e pasa de 30 a 29 positivos o fin de semana e de domingo a hoxe a 28 en total.
O resto de concellos da Comarca da Limia non presenta cambio algún. Baltar, Os Blancos, Rairiz de Veiga e Vilar de Santos mantéñense nunha excelente situación sen comunicar ningún caso activo.
Datos de positivos totais en Covid - 19 no 23/08:
- Baltar: 0
- Os Blancos: 0
- Calvos de Randín: 2
- Porqueira: 3
- Rairiz de Veiga: 0
- Sandiás: 3
- Sarreaus: 3
- Trasmiras: 1
- Vilar de Barrio: 7
- Vilar de Santos: 0
- Xinzo de Limia: 28
