A cineasta de Xinzo, Mirian Opazo, quen tamén é candidata ás eleccións europeas polo Bloque Nacionalista Galego, participará novamente no prestixioso Festival de Cans. Na sección oficial Furacáns proxectarase o filme “Aínda hoxe as horas”, creado pola cineasta no outono pasado no Chanfaina Lab., un proxecto de creación artística que contou con figuras como Oliver Laxe e Jaione Camborna.
“Aínda hoxe as horas” é un filme que combina o amor, a morte e a memoria nunha sorte de carta romántica ambientada na natureza. Na edición anterior do festival, Mirian Opazo xa lograra destacar coa súa obra “Ningún Deus”, que recibiu a Mención Especial do Xurado e se inspiraba no sentimento do Entroido.
A carreira da cineasta de Xinzo está a gañar recoñecemento tanto en Galicia como a nivel nacional. Licenciada en Belas Artes e con un Mestrado en Creación e Prácticas Artísticas, está a piques de comezar o doutoramento en Historia da Arte na Universidade de Salamanca, cunha tese centrada na memoria e o cinema.
