1 de mayo de 2021, 19:18
A fonte da praza Carlos Casares, fronte ao edificio da Casa de Cultura en Xinzo de Limia, volverá a funcionar tras case dez anos sen cumprir a súa función ornamental, nun sitio tan destacado e céntrico do concello.
O problema -segundo información aportada polo consistorio- estaba no motor da propia fonte, e alí se centraron os traballos de arranxo.
A fonte, que consta de cinco chorros de auga que se elevan dende o chan no centro da praza, terá un horario fixo de funcionamento, e poderá ser desfrutada xa polos veciños.
