O Cabildo de Gran Canaria adheriuse ao Irmandamento Hispano-Luso de Pobos Produtores de Pataca, consolidando unha nova alianza entre rexións clave de España e Portugal. O acordo foi oficializado polo alcalde de Xinzo de Limia, Amador Díaz, na súa calidade de presidente da Asociación Hispano-Lusa de Pobos Produtores de Pataca, durante a VI Feira Insular da Papa, celebrada en Teror.
Este paso fortalecerá a cooperación en proxectos de innovación agrícola e desenvolvemento sostible, reforzando a presenza da pataca nos mercados internacionais.
A incorporación de Gran Canaria, cunha longa tradición no cultivo da papa, supón unha oportunidade para avanzar en investigacións sobre a produción deste tubérculo e ampliar o seu impacto económico na rexión.
