Este venres comeza a IV Feira do Comercio de ProLimia en Xinzo e, ao longo de tres días, converterase nun escaparate para amosar o potencial dos negocios limiáns. Medio cento de establecementos estarán presentes nesta feira, que contará cunha ampla programación de actividades paralelas do ámbito gastronómico, musical e deportivo, xunto con varios obradoiros, para animar as xornadas.
A Feira do Comercio dará comezo o venres ás 12:00 horas, cando o pavillón de Xinzo se abra para recibir a todos os interesados en coñecer a oferta de comercio limiá. O peche será ás 21:00 horas ao longo dos tres días, só cambia o horario de apertura do sábado e do domingo, que é ás 10:00 horas.
Este é o cuarto ano que se celebra a Feira do Comercio de ProLimia. Están contentos cos resultados obtidos en anteriores edicións?
Moi contentos. Analizando os resultados, vemos como cada ano aumentan as ventas, que é a finalidade desta feira.
O número de establecementos e negocios que participan segue a medrar. Que cren que lles aporta esta feira?
Medran os establecementos e negocios participantes xa que nesta asociación temos a costume de organziar unha reunión despois de cada campaña que se fai, para valorar os resultados e anotar cousas que debemos de mellorar en próximas edicións. Todo o mundo expón os seus resultados e vemos que cada vez son mellores.
Esta feira está enfocada á venda de artículos que podemos ofrecer durante todo o ano, pero a un precio moi rebaixado. Tamén é unha moi boa escusa para compañeiros comerciantes que o que queren é darse a conocer, así como os productos que teñen á venda ou servizos que poden dar ós veciños da vila.
Da programación deste ano, que destacaría?
A programación está enfocada a que haxa actividades, obradoiros, música..., todo o que podemos ofrecer ós nosos veciños e clientes para que lles sexa agradable a súa xornada de compras. E o que máis destacaría é que tódalas actividades coas que compensamos ós nosos visitantes están desenvoltas por grandísimos profesionais da nosa vila e de comarca limiá, tanto a música como os obradoiros e actividades deportivas ou exhibicións. Colaboran coa feira desinteresadamente, sen cobrar ningún tipo de compensación económica.
A feira celébrase a finais do verán. A data, serve dar un último pulo ás ventas das rebaixas?
Esta data é unha boa escusa para comprar as últimas rebaixas que quedan nos nosos comercios. Ademais, pódese aproveitar esta boísima ocasión para facer as compras da “Volta ó cole”, que tanto nos preocupan despois das vacacións de verán.
Esta é unas das moitas actividades que organizan ao longo do anom campañas para incentivar as ventas. Son necesarias todo tipo de propostas para que os clientes se movan e merquen?
Si, non sei se necesarias, pero o que está claro é que se nota o aumento de compras cuando se fai algunha campaña extra como asociación.
A situación do comercio local segue a ser complicada coa competencia das grandes superficies e da venda en liña. Cal é o estado do sector en Xinzo?
Pois o estado é bastante regular, como en tódolos lugares, pero nós estamos convencidos de que o comercio local é un sector imprescindible da economía vital para a sociedade. Estamos loitando para que se reflexe así no día a día. Tamén estamos convencidos de que a unión que temos na nosa vila entre os compañeiros comerciantes só fai que esta asociación e as nosas actividades laborais vaian en aumento cada día máis.
